Fursa za Miradi ya PPP zatangazwa Halmashauri ya Jiji la Mbeya

Na Mwandishi Wetu, Mbeya


HALMASHAURI ya Jiji la Mbeya imewakaribisha wawekezaji na wadau wa sekta binafsi kushiriki katika mradi wa ujenzi wa machinjio ya kisasa katika eneo la Ilemi kupitia mfumo wa Ubia kati ya Sekta ya Umma na Sekta Binafsi (PPP).

Meya wa Jiji la Mbeya Dormohamed Issa ametoa wito huo jijini humo Jumanne, Novemba 3, 2026, wakati wa ufunguzi wa kikao cha utambulisho wa mradi huo.

1003620329-1024x768 Fursa za Miradi ya PPP zatangazwa Halmashauri ya Jiji la Mbeya

Kikao hicho kimewashirikisha wawakilishi kutoka Ofisi ya Waziri Mkuu – Tawala za Mikoa na Serikali za Mitaa (Tamisemi) na Kituo cha Ubia kati ya Sekta ya Umma na Sekta Binafsi (PPP-Centre).

Akizungumza katika kikao hicho, Meya Issa amesema mradi huo unalenga kuchukua nafasi ya machinjio ya zamani ambayo hayakidhi viwango vinavyotakiwa.

“Mradi huo utahakikisha wananchi wanapata nyama safi na salama iliyokaguliwa kwa kina, huku ukiongeza thamani katika sekta ya mifugo na kusaidia kukuza uchumi wa wafugaji,” amesema.

1003620346-1024x681 Fursa za Miradi ya PPP zatangazwa Halmashauri ya Jiji la Mbeya

Meya huyo amesema kuwa kikao hicho ni sehemu ya juhudi za Halmashauri ya Jiji la Mbeya, kwa kushirikiana na Tamisemi kutafuta wawekezaji wenye uwezo, uzoefu na utayari wa kushirikiana nayo kutekeleza miradi mikubwa ya kimkakati kwa manufaa na maendeleo ya wananchi.

“Halmashauri inawakaribisha wawekezaji kutumia fursa hiyo kutoa maoni, mapendekezo na ushauri kuhusu muundo wa mradi, uwezo wao wa kuwekeza, namna bora ya kugawana majukumu na mfumo endelevu wa kuendesha machinjio hayo ya kisasa,” amesema.

1003620337-1024x768 Fursa za Miradi ya PPP zatangazwa Halmashauri ya Jiji la Mbeya
1003620344-1024x681 Fursa za Miradi ya PPP zatangazwa Halmashauri ya Jiji la Mbeya
1003620328-1024x681 Fursa za Miradi ya PPP zatangazwa Halmashauri ya Jiji la Mbeya

Leave a Reply

Your email address will not be published. Required fields are marked *