Tanzania kuingia kwenye mfumo wa Bandari Kidigitali

WhatsApp-Image-2026-04-24-at-13.10.51-1024x819 Tanzania kuingia kwenye mfumo wa Bandari Kidigitali

Na Mwandishi Wetu, Dar es salaam

BAADA ya majadiliano ya siku tano yaliyofanyika jijini Dar es Salaam, warsha ya kikanda kuhusu uboreshaji wa bandari kidijitali imefungwa Rasmi, hatua hii ni mwanzo wa kuibadilisha Tanzania kuwa kitovu kikuu cha biashara kinachoendeshwa kidijitali Afrika.

Warsha hiyo iliandaliwa kwa ushirikiano kati ya Mamlaka ya Usimamizi wa Wakala wa Meli Tanzania (TASAC) na Shirika la Bahari Duniani (IMO) Iliwaleta pamoja wadau wote muhimu wa sekta ya bandari kwa lengo la kuoanisha shughuli za bandari nchini na viwango vya kimataifa na kuondokana na mifumo ya karatasi na kuanzisha mfumo kamili wa kidijitali.

Akifunga Warsha hiyo Mkurugenzi Mkuu wa Mamlaka ya Bandari Zanzibar Akif Ali, amesema kuwa, kukubali miongozo ya IMO ni mhimu Kwa lengo la Taifa la kujenga uchumi wa Dola Tirilioni 1 na kufikisha kipato Cha mtu Dola 7,000.

Naye Mkurugenzi Mkuu wa TASAC, Mohamed Salum, amesema kuwa zama za kuchagua kutumia mifumo ya kidijitali zimekwisha, amewakumbusha washiriki kuwa kuanzia Januari 2024, matumizi ya mifumo ya Maritime Single Window (MSW) na Port Community Systems (PCS) ni sharti la lazima kwa mujibu wa IMO.

Ali amesema, kwa kuboresha bandari zake Tanzania Inalenga Kudhibitisha nafasi yake kama lango kuu la Bahari Kwa ukanda Wa Afrika, jambo litakaloongeza ufanisi na ushindani mkubwa Afrika.

Salum amesisitiza kuwa, “Zana hizi za kidijitali siyo anasa tena; ni muhimu kwaajili ya kupunguza urasimu na gharama za biashara.”

Ameongeza kuwa, mifumo hiyo itazifanya bandari kuwa mazingira yaliyounganishwa ambapo uwazi utakuwa ndio utamaduni.

Salum amesema mabadiliko hayo ya kidijitali yametajwa kuwa injini muhimu kwa Dira ya Maendeleo ya Tanzania ya 2050.

Naye Mkuu wa Kitengo cha Afrika cha IMO, Mwanaulu Issa Mwajita, amewahimiza wajumbe kuhama haraka kutoka kwenye ahadi kwenda kwenye utekelezaji.

Amewakumbusha washiriki kuwa ingawa teknolojia ndiyo kichocheo, ushirikiano ndio nguzo ya mafanikio.

Ameahidi kuwa IMO itaendelea kusaidia nchi wanachama ili kuhakikisha hakuna taifa linaloachwa nyuma katika safari hii ya kidijitali.

Mafunzo hayo yakifungwa na Mkurugenzi Mkuu wa Mamlaka ya Bandari Zanzibar Akif Ali Katika ukumbi wa JNICC Jijini Dar es Salaam.

WhatsApp-Image-2026-04-24-at-13.10.51-1-1024x682 Tanzania kuingia kwenye mfumo wa Bandari Kidigitali
WhatsApp-Image-2026-04-24-at-13.10.52-1024x819 Tanzania kuingia kwenye mfumo wa Bandari Kidigitali
WhatsApp-Image-2026-04-24-at-13.10.53-1024x819 Tanzania kuingia kwenye mfumo wa Bandari Kidigitali
WhatsApp-Image-2026-04-24-at-13.10.54-1024x819 Tanzania kuingia kwenye mfumo wa Bandari Kidigitali
WhatsApp-Image-2026-04-24-at-13.10.57-1024x819 Tanzania kuingia kwenye mfumo wa Bandari Kidigitali
WhatsApp-Image-2026-04-24-at-13.10.57-1-1-1024x819 Tanzania kuingia kwenye mfumo wa Bandari Kidigitali

Leave a Reply

Your email address will not be published. Required fields are marked *