MERSEYSIDE, England
KOCHA wa timu ya Liverpool, Jurgen Klopp, ametangaza kuachia ngazi ya kuendelea kukinoa kikosi hicho ifikapo mwisho wa msimu huu.
Klopp alijiunga na Liverpool, mwaka 2015 na mkataba wake ulikuwa unatarajia kufika kikomo mwaka 2026.
“Nilishawaambia viongozi wangu juu ya uamuzi huu tangu Novemba, najua itakuwa ni taarifa ya kushtua mtu akiisikia mara ya kwanza lakini hali halisi ndio hiyo,” amesema kwenye taarifa yake.
“Ninapenda mpira lakini kubwa zaidi ninapenda sana maisha ya hapa Liverpool, lakini imefika wakati nikae kando kukusanya nguvu,” aliongeza Klopp.
Kocha huyo aliiongoza Liverpool kushinda taji la UEFA mwaka 2019 kwa kuwafunga Tottenham Hotspur katika mchezo wa fainali.
Aidha pia aliwaongoza Liverpool kushinda taji la ligi ya Uingereza msimu wa 2019-20 ikiwa ni mara ya kwanza baada ya miaka 30.Katika michuano ya ndani msimu wa 2021-22 Liverpool walishinda mataji ya Carabao na FA.
Pia amewahi kushinda ubingwa wa klabu wa Dunia na Super Cup.