NEW YORK, Marekani
MCHEZAJI nyota wa tenisi, Novak Djokovic, amerejea katika nafasi ya kwanza duniani na kumshusha mpinzani wake, Carlos Alcaraz baada ya kuibuka na ushindi katika michuano ya US Open.
Nyota huyo wa kimataifa wa Serbia, ambaye alipoteza fainali ya Wimbledon mbele ya Alcaraz, alishinda kwa seti 6-0 6-2 6-3 dhidi ya Mfaransa, Alexandre Muller juzi usiku mjini hapa.
Djokovic, 36, hakuruhusiwa kucheza nchini hapa mwaka jana kwasababu ya kutochanja Uviko-19.
Alirejea mashindano baada ya kanuni na taratibu kulegezwa akiwa na lengo la kutwaa taji kubwa la 24 na kufikia rekodi hiyo.
Kufikia rekodi hiyo inayoshikiliwa na Margaret Court wa Australia ndio kitu kinachowindwa na Djokovic.