MADRID, Hispania
TIMU ya Atletico Madrid, imetoa kipigo cha mbwa koko kwa kuwatandika majirani zao Rayo Vallecano mabao 7-0 ikiwa ndio ushindi mkubwa zaidi wakiwa ugenini katika La Liga.
Kikosi cha Kocha, Diego Simone, kilikuwa mbele kwa mabao 3-0 ndani ya dakika 36 za kwanza kutokana na mabao ya Antoine Griezmann, Memphis Depay na Nahuel Molina.
Mabao mengine yalifungwa na straika, Alvaro Morata aliyeingia kambani mara mbili pamoja na Angel Correa na Marcos Llorente.
Ushindi huo, umeifanya Atletico kusogea nafasi ya pili, alama mbili nyuma ya mahasimu wao, Real Madrid baada ya kucheza mechi mbili.