Katibu Mkuu wa Chama Cha Mapinduzi Ndugu Daniel Chongolo atafanya mkutano wa hadhara katika Jiji la Dodoma Siku ya Jumapili, Tarehe 25-06-2023, kuanzia saa 05:00 asubuhi, ambapo atakuwa anahitimisha ziara yake ya siku 8 kutembelea maeneo mbalimbali ya majimbo yote ya Mkoa wa Dodoma, kwa malengo ya kuwasikiliza wananchi kuzungumzia changamoto zao na kuzitafutia ufumbuzi, kuhamasisha uhai wa Chama na kukagua miradi ya maendeleo – ikiwa ni utekelezaji wa Ilani ya Uchaguzi ya CCM 2020 – 2025.
Ndg. Chongolo ataambatana na Wajumbe Wawili wa Sekretarieti ya Halmashauri Kuu ya CCM ya Taifa ambao ni Katibu wa NEC – Oganaizesheni Ndugu Issa Haji Ussi (Gavu) na Katibu wa NEC – Itikadi na Uenezi Ndugu Sophia Edward Mjema.