Rais wa Jamhuri ya Muungano wa Tanzania, Dkt. Samia Suluhu Hassan amewaapisha majaji 6 wa mahakama ya rufani pamoja na Mwenyekiti wa Baraza la maadili kwenye hafla iliyofanyika Ikulu ya Chamwino mkoani Dodoma leo Jumanne Mei 23, 2023.
Majaji 6 walioapishwa ni Jaji Zainab Goronya Muruke, Leila Edith Mgonya, Amour Said Khamis, Dkt. Benhaji Shaaban Masoud, Gerson John Mdemu na Agnes Zephania Mgeyekwa.
Pia, Rais Samia amemuapisha Jaji (MST) Rose Aggrey Teemba kuwa Mwenyekiti wa Baraza la Maadili.