GAVU ASISITIZA KUIMARISHWA USHIRIKIANO TANZANIA, CHINA

1001037573-1024x889 GAVU ASISITIZA KUIMARISHWA USHIRIKIANO TANZANIA, CHINA

Na Mwandishi Maalum,
Shandong – China

KATIBU wa Halmashauri Kuu ya Taifa (NEC) ya CCM, Idara ya Oganaizesheni, Issa Gavu, amesisitiza umuhimu wa kuendeleza uhusiano baina ya Tanzania na Jamhuri ya Watu wa China kwa maslahi ya nchi hizo na watu wake.

Pia, amehimiza kudumisha uhusiano wa karibu kati ya CCM na Chama Cha Kikomunisti cha China (CPC).

1001037564-1024x682 GAVU ASISITIZA KUIMARISHWA USHIRIKIANO TANZANIA, CHINA

Gavu ameeleza hayo jana katika hafla ya
uzinduzi wa mafunzo maalum ya kuimarisha ushirikiano wa kihistoria kati ya Tanzania na China, pamoja na kudumisha uhusiano wa kati ya CCM na CPC, yanayofanyika katika Chuo cha Shandong Foreign Trade Vocational, kilichopo Mkoa wa Shandong, China.

Amesema uhusiano wa nchi hizo ambao uliasisiwa na Hayati Mwalimu Julius Nyerere na Mwenyekiti Mao Zedong, umeendelea kudumu kutokana na misingi ya kuheshimiana, kutokuingiliana katika mambo ya ndani na kusaidiana kwa faida ya pande zote.

1001037570-1024x682 GAVU ASISITIZA KUIMARISHWA USHIRIKIANO TANZANIA, CHINA

“Urafiki wetu si wa majira fulani, bali ni wa kudumu. Ushirikiano wa CCM na CPC unapaswa kuwa mfano wa mshikamano wa kweli katika enzi za mabadiliko ya kidunia.”

Aidha, ameeleza mafanikio ya ushirikiano huo hayawezi kutenganishwa na uongozi imara wa Rais Dk. Samia Suluhu Hassan na Rais Xi Jinping wa China.

1001037568-1024x682 GAVU ASISITIZA KUIMARISHWA USHIRIKIANO TANZANIA, CHINA

“Rais Samia amekuwa mfano wa uongozi wa kisasa barani Afrika, anaimarisha mageuzi ya kiuchumi, diplomasia, maendeleo na uwazi wa kimataifa.

“Viongozi wa kimataifa wametambua mchango wake mkubwa katika kuipa Tanzania nafasi ya kimkakati duniani,” amesema Gavu.

1001037572-1024x682 GAVU ASISITIZA KUIMARISHWA USHIRIKIANO TANZANIA, CHINA

Akimzungumzia Rais Xi, ameiongoza China kwa mafanikio makubwa ya kiuchumi na kiteknolojia na kuhimiza ushirikiano wa kweli na mataifa mengine kupitia dira ya ‘Belt and Road Initiative’.

1001037566-1024x641 GAVU ASISITIZA KUIMARISHWA USHIRIKIANO TANZANIA, CHINA
1001037569-1024x682 GAVU ASISITIZA KUIMARISHWA USHIRIKIANO TANZANIA, CHINA
1001037565-1024x682 GAVU ASISITIZA KUIMARISHWA USHIRIKIANO TANZANIA, CHINA

Leave a Reply

Your email address will not be published. Required fields are marked *