Baada ya sintofahamu ya muda mrefu, hatimaye Chama Cha Mapinduzi (CCM) kimemfukuza uanachama wa Chama hicho Balozi Ali Karume, mtoto wa Rais wa zamani wa Zanzibar.
Uamuzi wa kumfukuza uanachama Balozi Karume umefikiwa kwenye kikao cha Jana usiku wa manane wa Jana Ijumaa ambapo uongozi wa CCM mkoa wa Kusini Unguja ulichukua uamuzi huo baada ya matamshi ya hivi karibuni ya Balozi Karume kudai CCM haikushinda Zanzibar pamoja na kutuhumiwa kukidhalilisha Chama na Viongozi wake Wakuu.
Baada ya kupewa onyo, hatimaye sasa CCM imeamua kumfukuza Chama na kumfuta uanachama wake.
Katibu Mwenezi wa mkoa wa Kusini Unguja Ndugu Ali Timamu Haji ndiye aliyetangaza uamuzi wa kufurushwa ndani ya Chama kwa kada huyo maarufu wa CCM.