Na Asha Kigundula
STRAIKA mpya wa timu ya Azam FC, Alassane Diao, amekabidhiwa jezi namba 11 iliyokuwa ikitumiwa na Ismail Aziz ‘Kader’ aliyeachwa na timu hiyo.
Kader alijiunga na Azam msimu wa 2020/21 kwa mkataba wa miaka miwili kabla ya baadaye kuongeza mwaka mmoja ulioishi msimu uliopita.
Diao ni miongoni mwa wachezajia wanne ambao hadi sasa wametambulishwa na timu hiyo akitokea US Goree ya Ligi Kuu ya Senegal.
Kikosi hicho chenye maskani Chamazi, nje kidogo ya Jiji la Dar es Salaam, leo kimeanza mazoezi rasmi ya uwanjani kujiandaa na msimu mpya wa 2023/24.
Katika mazoezi hayo, wameonekana nyota mbalimbali wakiwa tayari wamesharipoti kambini akiwemo Diao ambaye alionekana amevalia jezi namba 11.