Rais Samia: Mapambano ya madawa ni yetu wote kama Jamii sio Serikali pekee.

Rais wa Jamhuri ya Muungano wa Tanzania Mhe. Samia Suluhu Hassan amezungumza na viongozi mbalimbali pamoja na Wananchi katika Maadhimisho ya Kitaifa ya Kupiga Vita Matumizi na Biashara ya Dawa za Kulevya Duniani ambayo Kitaifa yamefanyika Uwanja wa Sheikh Amri Abeid Jijini Arusha tarehe 25 Juni, 2023.

Rais Samia kwenye mkutano huo amesisitiza Jamii kuwajibika vyema katika malezi ya watoto na kuwataka wananchi kwamba harakati za kupambana na madawa ya kulevya ni ya wote na sio suala la kuiachia Serikali pekee yake.