Rais wa Jamhuri ya Muungano wa Tanzania, Dkt. Samia Suluhu Hassan ametengua uteuzi wa Wakuu wa Wilaya wawili na kuteua wengine wawili.
Katika taarifa iliyotolewa na Mkurugenzi wa Mawasiliano ya Rais, Ikulu, Zuhura Yunus imesema Rais Samia Suluhu Hassan ametengua uteuzi wa Mkuu wa Wilaya ya Temeke, Mwanahamisi Athumani Munkunda na hapohapo kumteua Mobhare Holmes Matinyi kuwa Mkuu wa Wilaya mpya wa Temeke.
Pia, Rais Samia ametengua uteuzi wa Mkuu wa Wilaya ya Kilindi mkoani Tanga, Abel Yeji Busalama na kumhamishia Kilindi aliyekuwa Mkuu wa Wilaya ya Tanga Mjini, Hashim Shaib Mgandilwa kuwa Mkuu wa Wilaya mpya wa Kilindi.
Pia, amemteua James Wilbert Kaji kuwa Mkuu wa Wilaya ya Tanga Mjini.