LOS ANGELES, Marekani
LIGI Kuu ya Mpira wa Kikapu Marekani (NBA) msimu wa 2023/24 unatarajiwa kuanza Oktoba 24 kwa mchezo kati ya Denver Nuggets ambayo itaumana na Los Angeles Lakers.
Nuggets ambayo inaongozwa na nyota, Nikola Jokic, watapewa heshima huku bango lao la ubingwa likipeperushwa uwanjani wakati wa ufunguzi wa msimu mpya.
Siku inayofuata, mchezaji Victor Wembanyama, kwa mara ya kwanza atajitambulisha katika ligi hiyo akiwa na San Antonio Spurs ambayo itaialika Dallas Mavericks.
NBA mwishoni mwa wiki ilitoa ratiba ya mechi zote 80 za msimu huo mpya huku mechi za fainali mbili za mwisho zitawekwa wazi baadaye kulingana na msimu wa kimashindano utakavyokuwa.
Nuggets itafungua msimu kwa kucheza na akina LeBron James ikiwa ni marudio ya mchezo wa fainali msimu uliopita upande wa Western Conference.
Mechi itakayofuata itakuwa ni Phoenix Suns itakayosafiri kwenda kuumana na Golden State Warrior yenye Chris Paul atakayeumana na timu yake ya zamani.