Na Mwandishi Wetu
MISS Tanzania 2022, Halima Kopwe, pamoja na wanyange wengine kutoka mataifa mbalimbali, wanatarajia kuingia kambini Novemba 8.
Mashindano hayo ya 71, yatafanyika Desemba 9 jijini Delhi nchini India ambapo warembo wote watakaa kambini kwa mwezi mmoja kabla ya fainali.
Kama ilivyo utaratibu siku chache kabla ya kuanza safari Kopwe anatarajiwa kukabidhiwa bendera ya Tanzania ili kuagwa rasmi.
Mbali na kwenda kushindana Miss Tanzania, atatumia fursa hiyo kutangaza utalii na Taifa la Tanzania katika jukwaa la Dunia.
Akizungumza na mtandao huu, Mrembo Kopwe amewaomba Watanzania na wadau wote wa sanaa, burudani na michezo wakiwemo wanahabari kumuunga mkono kwa kumpa nguvu katika mashindano hayo makubwa ya Dunia.