Na Mwandishi Wetu, Tanga
MVUA zinazoendelea kunyesha mkoani Tanga zimesababisha vifo vya watu wanane.
Miongoni mwa waliofariki kutokana na mafuruko yaliyosababishwa na mvua hiyo ni watoto watatu.
Kutokana na vifo hivyo, Jeshi la Polisi mkoani humo limewataka wananchi kuchukua tahadhari, kuepuka kuingia katika madimbwi.
Taarifa iliyotolewa jana na Kamanda wa Polisi mkoani humo, Almachius Mchunguzi, alisema kuna uharivifu mkubwa uliosababishwa na mvua hizo.
Aliwataja waliokufa ni Fabius Masalu (23), mkazi wa Kijiji cha Ngomeni wilayani Muheza, aliyesombwa na maji wakati akivuka mto akitokea shambani.
Mwingine ni Aboubakar Said (7), mwanafunzi wa darasa la kwanza Shule ya Msingi Maweni, Nganahe Masai (8), Simon Arod (3), Mhina Gabriel (45), Mbwana Makame (48) na wengine wawili majina yao hayajafahamika.