Klabu kubwa ya soka nchini Uingereza Chelsea imemtambulisha kocha wa zamani wa Totenham Hotspurs na PSG Mauricio Pochettino kuwa kocha wake mkuu kwa kandarasi ya miaka mitatu. Chelsea imekuwa na mwenendo mbaya sana msimu huu ikimaliza nafasi ya 12 kwenye msimamo wa Ligi ya Uingereza (EPL) na kukosa kushiriki mashindano ya Ulaya kwa msimu ujao, ikiwa ni mara ya kwanza baada ya miaka mingi sana.
Mmiliki mpya wa klabu hiyo Todd Boehly ameendelea kufanya maboresho makubwa ikiwemo kufanya usajili mkubwa sana uliovunja rekodi ya Ulaya hivi karibuni.