Na Ibrahim Nyakunga
KLABU ya Azam FC, imemtambulisha Bruno Ferry kuwa Kocha msaidizi wa timu hiyo kwa mkataba wa miaka mitatu.
Ferry atakuwa akisaidiana na Kocha Mkuu, Youssou Dabo ambaye atakiongoza kikosi cha matajili hao wa Jiji la Dar es Salaam kuanzia msimu ujao katika mashindano mbalimbali.
“Tunayo furaha kuwataarifu kuwa tumeingia mkataba wa miaka mitatu na Bruno Ferry, atakayekuwa kocha ssaidizi wa klabu yetu.” imeeleza taarifa hiyo.
Azam itakuwa na kazi ya ziada kuhakikisha inafanya vizuri katika michuano mbalimbali ya ndani na ile ya kimataifa.